وصية شهيد مصرى

افـــــــتح كتاب الامل واكتب مواويلك

وارسم بدمى حروف تحكى اساطيرك

ياوطـــــن فاكرنا خلاص كنا ناسيينك

اهــو دمى اهوه ياوطن سايل مع نيلك

الاتــــنين بيرووا سوا عطش ميادينك

افـــــــتح كتاب الامل واكتب مواويلك

وارسم بدمى حروف تحكى اساطيرك

افـــــتح كتاب التاريخ نكتب تاريخ تانى

تــــــــــاريخ بدايته هنا وكلامه عنوانى

ادى الرصاص الحى ميت فى احضانى

يا امـــــــى انا لسة هنا شايفك وحسانى

عـــــايش يا أمى شهيد فى قلب اوطانى

افـــــــتح كتاب الامل واكتب مواويلك

وارسم بدمى حروف تحكى اساطيرك

فاكر ياصاحبى ...

ســــــــــــهرنا الليالى نفكر فى اللى جاى

ويوم نذاكر سوا على صوت دوشة وشاى

تصدق.معرفتنيش ولا حتى انا معرفنيش

كــــــــــــنا بنتسابق لاجل مالتانى يعيش

وادينا متنا هنا وسبنا احــــــلامنا تعيش

ابنى ياخد طرحنا او حد تانى مننا... ميهمنيش

وافـــــتح كتاب التاريخ نكتب تاريخ تانى

تــــــــــاريخ بدايته هنا وكلامه عنوانى

يادموع فرح......... ماليه الكفوف

اغسلنا بيها ودفنتى... بزفة دفوف

زفة للثورة اللى قامت صحى عليها اهل الكهوف

لقوا التاريخ اتكتب والكتب ملت الرفوف

وافـــــتح كتاب التاريخ نكتب تاريخ تانى

تــــــــــاريخ بدايته هنا وكلامه عنوانى